Հայտնի է, որ ծաղկած սակուրան տեսնելու համար հազարավոր զբոսաշրջիկներ են մեկնում Ճապոնիա, սակայն ծագող արևի երկիրը զբոսաշրջիկներին գրավում է նաև այլ ծաղկապատ, հեքիաթային տեսարաններով:
Ինչպես ներկայացնում է AdMe.ru-ն` Ճապոնիայի հետաքրքրաշարժ իրողություններից մեկը Ֆուձի Շիբազակուրան փառատոնն է, որի ժամանակ միլիոնավոր ֆլոքսներ են աճում:
Փառատոնն անցկացվում է Հոնսյու կղզու Հիթսուջիյամա այգում, որը մի քանի հեկտար տարածք է զբաղեցնում, իսկ ֆլոքսների ծաղկման շրջանում հատուկ էքսկուրսիաներ են կազմակերպվում: Ծաղկած ֆլոքսները հիացնում են վարդագույնի և մանուշակագույն բազմաթիվ երանգներով, իսկ Ֆուձի լեռը, որի ստորոտներին բուրում է ծաղկունքը, հիասքանչ տեսարան է ապահովում զբոսաշրջային լուսանկարների համար: