Ամերիկյան Apple տեխնոլոգիական ընկերության` Կուպերտինոյի (Կալիֆոռնիա) գլխավոր գրասենյակում անհայտ տղամարդու դի է հայտնաբերվել:
Ինչպես հաղորդում է The Independent-ը, դին հայտնաբերվել է ընկերության կոնֆերանս-սրահներից մեկում: Դին հայտնաբերած աշխատակիցները ոստիկանություն են զանգել` պատմելով հավանական ինքնասպանության մասին:
Apple-ի ղեկավարությունը դեռևս որևէ մեկնաբանություն չի տվել միջադեպի շուրջ: Մահացած մարդու ինքնությունը նույնպես դեռ անհայտ է: Հետաքննող ոստիկանները չեն հայտնում` արդյոք վերջինս ընկերության աշխատակից է եղել, թե՞ ոչ: