Ֆրանսիայի պրոֆեսիոնալ ֆուտբոլիստների ասոցիացիան, որը ավանդաբար ընտրում է Լիգա 1-ի մրցաշրջանի լավագույն խաղացողներին, այդ թվում ըստ դիրքերի, իր ցանկում նոր անվանակարգ է ներառել:
Կազմակերպության պաշտոնական թվիթերյան էջը հայտնում է, որ այսուհետ մրցանակ է տրվելու նաև Ֆրանսիայի սահմաններից դուրս հանդես եկող լավագույն ֆրանսիացի ֆուտբոլիստի համար:
Մրցանակի առաջին հաղթողի համար ընտրվել են 4 թեկնածուներ. Կարիմ Բենզեմա («Ռեալ»), Անտուան Գրիզման («Ատլետիկո»), Դիմիտրի Պայե («Վեսթ Հեմ») և Պոլ Պոգբա («Յուվենտուս»):