Սպիտակ տունը դատապարտել է Սիրիայի Հալեպ քաղաքի բնակելի թաղամասերի ուղղությամբ հասցված ավիահարվածների շարքը:
«Խստիվ դատապարտում ենք ավիահարվածների և ռմբակոծությունների շարքը, որոնց 24 ժամում Հալեպում զոհ է գնացել ավելի քան 60 մարդ», - Reuters-ի հաղորդմամբ` հայտարարել է Սպիտակ տան պաշտոնական ներկայացուցիչ Ջոշ Էռնեստը:
Վերջինս նշել է, որ Սպիտակ տանը «հատկապես ցնցված են» Հալեպի հիվանդանոցի ուղղությամբ հասցված հարվածի պատճառով, որին զոհ են գնացել բժիշկներ և հիվանդներ:
Նշվում է, որ ավելի վաղ ՌԴ պաշտպանության նախարարությունը հերքել է ՌԴ օդատիեզերական ուժերի կողմից Հալեպի հիվանդանոցի ուղղությամբ հարվածներ հասցնելու հավանականության մասին հաղորդագրությունը: