Հս. Կորեան ԱՄՆ-ի ռազմական զորավարժություններն իր սահմանի մոտակայքում ընդունում է որպես թշնամական քայլ և մտադիր է ի պատասխան այդ քայլի արապնդել իր միջուկային ներուժը:
Ինչպես փոխանցում է РИА Новости-ն` այս մասին հայտարարել են Հյուսիսային Կորեայի ԱԳՆ-ում:
«Մենք հավատարիմ ենք մնալու մեր ռազմավարությանը` թշնամական ուժերի ագրեսիվ պատերազմին պատասխանելով արդար պատերազմով, իսկ միջուկային սպառնալիքներին` միջուկային կանխարգելիչ ուժերի ամրապնդմամբ», - ասվում է Հս. Կորեայի ԱԳՆ հաղորդագրության մեջ:
Հյուսիսկորեական արտաքին քաղաքականության գերատեսչությունում դատապարտել են ապրիլին ԱՄՆ-ի և Հարավային Կորեայի կողմից համատեղ աննախադեպ զորավարժությունների անցկացումը:
