«Քլիվլենդ Կավալերսի» առաջատար Լեբրոն Ջեյմսը NBA-ի փլեյ-օֆֆում տոնած հաղթանակների թվով շրջանցել է լեգենդար Մայքլ Ջորդանին,- տեղեկացնում է «The Score»-ն:
Քառորդ եզրափակչի «Ատլանտայի» դեմ առաջին խաղում (104:93) տոնած հաղթանակը Լեբրոնի համար 120-ր էր փլեյ-օֆֆներում: Ջորդանի հաշվին կարիերայում գրանցված է 119 հաղթանակ:
Նշենք, որ Էյր Մայքը NBA-ի փլեյ-օֆֆում 179 հանդիպում է անցկացրել և 6 տիտղոս է նվաճել: «Արքան» մասնակցել է 183 խաղի` նվաճելով 2 տիտղոս: