Իտալական «Ռոմայի» դարպասապահ Վոյցեխ Շեսնին վստահ է, որ իր թիմակից Ռաջա Նայնգոլանը, որին լրատվամիջոցները կապում են Լոնդոնի «Չելսիի» հետ, համապատասխանում է Անգլիայի Պրեմիեր լիգային:
«Ռաջան կարող է հարմարվել անգլիական ֆուտբոլին: Նա ֆիզիկապես պինդ ֆուտբոլիստ է:
Նա չի վախենում իր մրցակցից: Ավելացրեք այդ ամենին փայլուն տեխնիկա եւ կստանաք բազմակողմանի զարգացած ֆուտբոլիստի:
«Չելսիի» գլխավոր մարզչի փոխարեն արդեն իսկ ձեռք բերած կլինեի Նայնգոլանի տրանսֆերը: Հույս ունեմ, որ այդ գործարքը չի իրականանա, եւ Ռաջան կմնա մեր ակումբում»,- Շեսնիի խոսքերն է մեջբերում Football-italia.net-ը: