Mitsubishi Motors և Nissan ճապոնական ավտոարտադրողները հաստատել են միավորվելու շուրջ բանակցությունները, հաղորդում է BBC-ն:
Տեղական ԶԼՄ-ները հայտնում են, որ Nissan-ը ձեռք կբերի մրցակցի բաժնետոմսերի մեկ երրորդը և կդառնա միակ խոշոր բաժնետերը:
Ավելի վաղ տեղեկություն է հայտնվել այն մասին, որ Mitsubishi Motors-ը նվազեցրել է իր մեքենաների վառելիքի ծախսման տվյալները: Ապրիլին ընկերության ղեկավարությունը խոստովանել է, որ վառելիքը ծախսելու սխալ թեստեր է անցկացնում վերջին 25 տարիներին: Դրա պատճառով Mitsubishi-ի բաժնետոմսերի արժեքը նվազել է ավելի քան 40 տոկոսով:
Երկու ընկերությունները հայտարարություններ են արել, որոնց համաձայն քննարկվում են միավորման տարբերակները: Հինգշաբթի օրը տնօրենների խորհուրդներն առանձին հանդիպումներ կանցկացնեն՝ հետագա հեռանկարները քննարկելու համար: