Չինուհի կինը «ամենագեղեցիկ մայրիկ» անվանումն է ստացել` փողոցում լացելիս հայտնաբերված լքված երեխային խնամելու և կերակրելու համար:
Ինչպես գրում է Daily Mail-ը` փոքրիկ աղջնակին կրծքով կերակրող 26-ամյա կնոջ լուսանկարը, ում անունը չի հաղորդվում, մեծ տարածում է գտել համացանցում: Երեխան, ամենայն հավանականությամբ, մի քանի օրական է եղել:
Շանքսի նահանգում լքված երեխային հայտնաբերել է անցորդներից մեկը մայիսի 11-ին: Ինչպես հաղորդվում է` մոտակա ընկերությունում աշխատող մի կին շենքի մոտ դրված արկղ է նկատել, որոշ ժամանակ անց երեխայի լացի ձայն է լսել և բացել արկղը:
Աղջնակը փաթաթված է եղել բարուրի մեջ` կողքին կաթի շիշ և 100 յուան: Անցորդ կանանցից մեկը, ով նույնպես նորածին երեխա ուներ, գիրկն է առել երեխային և կերակրել:
