Չորեքշաբթի բելգիական Ֆլանդրիայում չորս մարդ է ձերբակալվել, որոնց մեղադրանք է առաջադրվել ահաբեկչական խմբավորման անդամակցության համար: Ենթադրվում է, որ նրանք նոր ահաբեկչություններ էին նախապատրաստում երկրում և գրոհայինների էին հավաքագրում Սիրիա ու Լիբիա ուղարկելու համար, ասվում է Բելգիայի դաշնային դատախազության հաղորդագրությունում:
Անտվերպենի դաշնային ոստիկանությունն ութ խուզարկություններ է իրականացրել:
«Չորս մարդ տարվել է հարցաքննության: Բոլորին մեղադրանք է առաջադրվել ահաբեկեչական խմբավորման անդամակցության համար»,- ընդգծել են դատախազությունում և հավելել, որ խուզարկությունների ժամանակ զենքեր ու պայթուցիկ նյութեր չեն հայտնաբերվել: