Ավելի քան 100 նշանավոր գիտնականներ բաց նամակ են հացեագրել Առողջապահության համաշխարհային կազմակերպությանը` կոչ անելով հետաձգել կամ վերանայել Ռիո դե Ժանեյրոյում անցկացվելիք Օլիմպիական խաղերի ժամանակացույցը` պայմանավորված Զիկա տենդի համաճարակով:
Ինչպես փոխանցում է BBC-ն` նամակը ստորագրել է առողջապահության ոլորտի 125 փորձագետ, այդ թվում` մասնագետներ Օքսֆորդի, Հարվարդի և Յելի համալսարաններից:
«Չարդարացված ռիսկի են դիմելու 500 000 արտասահմանցի զբոսաշրջիկներ` Օլիմպիական խաղերին մասնակցող բոլոր երկրներից: Նրանք կարող են վիրուսի կրողներ դառնալ և վերդառալով տուն` այնտեղ համաճարակի առաջացման պատճառ դառնալ», - ասվում է բաց նամակում:
Գիտնականները պնդում են, որ Օլմպիադան համաճարակի բռնկման ժամանակ անցկացնելը հակասում է էթիկայի կանոններին, և կոչ են անում ԱՀԿ-ին վերանայել կանոններն ու սահմանափակումները:
Նշենք, որ մայիսին Միջազգային օլիմպիական կոմիտեն հայտարարել էր, որ չնայած համաճարակին` պատճառ չի տեսնում Խաղերի տեղն ու ժամանակը փոխելու համար: