Armsport.am-ը գրում է.
Ամերիկյան «Ինտեր Մայամի» ակումբը, որի հիմնադիրն ու սեփականատերն Անգլիայի հավաքականի նախկին ֆուտբոլիստ Դևիդ Բեքհեմն է, ներկայացրել է նոր մարզադաշտի նախագիծը:
Ակումբի մարզադաշտը տեղակայված է լինելու «Մայամի Ֆրիդոմ Պարկի» տարածքում: Տարածքում լինելու են նաև այլ խաղադաշտեր, որտեղ ցանկացողները ֆուտբոլ խաղալու հնարավորություն կունենան:
«Ինտեր Մայամիի» մարզադաշտը, որը նախատեսված է լինելու 18 հազար հանդիսականի համար, կարժենա ավելի քան 60 միլիոն դոլար: Այժմ «Ինտեր Մայամիի» մարզադաշտը «Լոկհարտ Ստեդիումն» է:
Հավելենք, որ մամուլում շրջանառվող լուրերի համաձայն՝ «Ինտեր Մայամին» MLS-ում ելույթները կարող է սկսել հաջորդ մրցաշրջանից: