Հայաստանի հավաքականի հարձակվող Էդգար Մանուչարյանն ազգային ընտրանու բաց մարզումից հետո զրուցեց լրագրողների հետ:
- Առաջին մարզումն էր գլխավոր մարզչի ու նորեկների հետ: Ինչպիսի՞ տպավորություններ ունեք:
- Հաճելի ծանոթություն էր նոր գլխավոր մարզչի հետ: Նա փորձառու մասնագետ է: Արդեն եղել է հավաքականի գլխավոր մարզիչը և լավ գիտե իր աշխատանքը: Նորեկների հետ միայն մեկ մարզում ենք անցկացրել. առայժմ քիչ բան կարող եմ ասել նրանց մասին: Բելառուսների դեմ հանդիպումից հետո, եթե նրանք խաղալու հնարավորություն ստանան, արդեն պարզ կլինի, բոլորին էլ կտեսնենք գործի մեջ: Կհասկանանք, թե նրանք ինչպիսի տվյալներ ունեն:
- Ըստ տեղեկությունների՝ թեթև վնասվածքի պատճառով բաց թողեցիք «Ուրալի» վերջին խաղը: Այժմ ինչպիսի՞ վիճակում եք:
- Փառք Աստծո, հիմա լավ եմ: Վնասվածքից հետո 4-5 օր հանգիստ ունեցա, ոչ մի մարզում չանցկացրի: Արդեն 2 օր է թիմի հետ սկսել եմ թեթև պարապմունքներ անցկացնել: Արդեն ինձ լավ եմ զգում և պատրաստ եմ առաջիկա խաղին:
Մանրամասները՝այստեղ: