Ford ընկերությունը հեռահար լուսարձակման նոր տեխնոլոգիա է մշակել: Ամերիկյան մեքենաշինական հսկայի ինժեներների հայտնագործության շնորհիվ մեքենայի դիմային լուսարձակների լույսն այլևս չի շլացնի ընդառաջ եկող վարորդներին:
Ինչպես հայտնում է Autocar-ը` նորագույն տեխնոլոգիան առաջինը կփորձարկվի S-Max և Galaxy մոդելներում:
Նոր տեխնոլոգիան հատուկ տեսախցիկ է ներառում, որն ամրացվում է դիմացի ապակու վրա:
Սարքավորումը հետևում է մինչև 800 մետր հեռավորությամբ ընդառաջ ընթացող մեքենաների լուսարձակներից արձակվող լույսին: Ստացված տեղեկության հիման վրա համակարգը լուսարձակների ճառագայթներն այնպես կհարմարեցնի, որ դրանք չխանգարեն դիմացի վարորդին:
