Բելգիայի մայրաքաղաք Բրյուսելում տեղի ունեցած պայթյունները, որոնք դարձան տասնյակ մարդկանց մահվան պատճառ, ստիպել են ուժեղացնել օդանավակայանների անվտանգությունը, գրում է businessinsider.com-ը:
Պարբերականը նշում է, որ ավիացիայի փորձագետ Սթիվին Ռայթը պատասխանել է The Conversation մեդիա գրուպի`օդանավակայանների անվտանգության մասին հարցերին:
-Ի՞նչն է օդանավակայանը դարձնում խոցելի ահաբեկիչների համար։
-Օդանավակայանները և ինքնաթիռները բավական թանկարժեք են, ինչը «գրավիչ նշանակակետ» է դառնում ահաբեկիչների համար, սակայն առավել կարևոր է այն հանգամանքը, թե որքան շատ մարդիկ են մուտք ու ելք անում օդանավակայաններ:
-Անվտանգության ի՞նչ միջոցառումներ են ձեռնարկված օդանավակայաններում, մինչ ճամպրուկի հանձնումը։
-Կիրառվող անվտանգության միջոցառումները բազմազան են՝ սկսած մինչև կայանատեղի հասնելը տեղադրված սարքավորումների միջոցով ավտոմեքենաների ստուգումը, վերջացրած քաղաքացիական հագուստով շրջող ոստիկաններով:
-Օդանավակայանի վրա հարձակումն ահաբեկիչների համար ռիսկային է, ինչո՞ւ գնալ դրան։
-Ահաբեկիչների համար օդանավակայանները լավ թիրախ են, որովհետև դրանց վրա հարձակումը մաքսիմալ կգրավի լրատվամիջոցների ուշադրությունը: Ինքնաթիռները բավական թանկ արժեն և օդանավակայաններում դրանք շատ են ու դրանց ոչնչացումը ծանր ֆինանսական հետևանքներ կունենա:
-Հնարավո՞ր է օդանավակայանների անվտանգությունն էլ ավելի ուժեղացնել։
-Միշտ էլ կան քայլեր, որոնք էլ ավելի կուժեղացնեն անվտանգությունը, օրինակ՝ ժամանակակից սենսորների ներդրումը, որը թույլ կտա ավելի վաղ հայտնաբերել չթույլատրվող սարքավորումների մուտքն օդանավակայան: