Դուբայում, որտեղ գտնվում է աշխարհի ամենաբարձր շինությունը` Բուրջ Խալիֆա աշտարակը (828 մ), մտադիր են կառուցել ներկայիս ռեկորդակրին գերազանցող շինություն։
Ինչպես հայտնում է The New York Daily News-ը, կառուցվելիք աշտարակն աչքի կընկնի ոչ միայն իր անհավանական բարձրությամբ , այլև` նորարարական դիզայներական լուծումներով։ Այն կունենա Բաբելոնի օրինակով ոգեշնչված կախովի այգիներ ու պտտվող բաց պատշգամբներ, դիտահարթակներ։
Աշտարակի կառուցման աշխատանքներով կզբաղվի Emaar Properties ընկերությունը, որի նախնական հաշվարկների համաձայն` ծրագրի իրականացման վրա կծախսվի մոտ 1 մլրդ դոլար։