Իրանի արտաքին քաղաքական գերատեսչության ներկայացուցիչ Հուսեյն Ջաբեր Անսարին տեղեկացրել է, որ ռուսական արտադրության C-300 զենիթահրթիռային համակարգերի առաջին խմբաքանակն արդեն երկրում է։
Ինչպես նշում է ria.ru-ն, պաշտոնյան նաև հավելել է, որ այս դասի ԶՀՀ-ների մյուս խմբաքանակը Իրանին կմատակարարվի մոտ ապագայում:
Աղբյուրը նկատում է, որ Թեհրանն ակնկալում է, որ դեռևս 2007թ. Իրանի ու ՌԴ-ի միջև կնքված պայմանագրի ամբողջական իրագործումը տեղի կունենա ընթացիկ տարվա առաջին կեսին։ Հայտնի է, որ C-300-ի վերաբերյալ կնքված պայմանագրի արժեքը 900 մլն դոլար է։