Հայկական բարեգործական ընդհանուր միության գործադիր տնօրեն Թալար Կազանջյանը Tert.am-ի հետ զրույցում անդրադառնալով «Հայաստան» համահայկական հիմնադրամի աշխատանքներին, ասաց, որ իրենց գոհացնում են կատարվող աշխատանքները:
«Ծրագրերը, որոնք իրականացվում են, կառուցված են հիմնահարցերի վրա»,- ասաց նա և նշեց, որ այս տարի հաշվի առնելով արցախյան իրողությունը, պետք է ավելի շատ կենտրոնանալ ժողովրդի կողքին լինելու հարցում:
Ըստ նրա՝ ծրագրերը միշտ բարելավելու կարիք կա, և պետք է մասնագիտացած ծրագրերի մենեջմենթով զբաղվել, իմանալ, թե որոնք են մեր թիրախները, և դրա հիման վրա վերանայել ծրագրերը և տեսնել, թե արդյոք մեր ընտրած թիրախներին հասնում ենք, թե՝ ոչ: «Ինձ թվում է, որ ավելի սեղմորեն պետք է վերանայվեն այդ թիրախները և կոմիտե լինի, որը հետևի այդ ամեն ինչի ծրագրավորմանը»,- ասաց նա և նշեց, որ եթե ճիշտ նպատակներ ընտրվեն, շատերը շահագրգռված կլինեն օգնություն ցուցաբերելու:
«Ես կարծում եմ, որ «Հայաստան» հիմնադրամի թիրախնե8ը ճիշտ են ընտրվել, բայց միշտ պետք է վերանայել, միշտ փոփոխության ենթարկել և փոփոխությունների հիման վրա բարելավել»,- ասաց նա:
Հիշեցնենք, որ այսօր կայացավ «Հայաստան» համահայկական հիմնադրամի Հոգաբարձուների խորհրդի և տեղական մարմինների 25-րդ համատեղ նիստը: