Լոնդոնի Քենսինգտոնի պալատում նախատեսվում է հուշահամալիր-այգի կառուցել` Ուելսի արքայադուստր Դիանայի մահվան 20-ամյակի կապակցությամբ:
Ինչպես տեղեկացնում է The Mirror-ը` այգին, որը դեռևս կառուցման նախնական փուլում է գտնվում, չորրորդն է Լոնդոնում, որը նվիրված է արքայադուստր Դիանայի հիշատակին:
Այգու կառուցումը նախաձեռնել են նրա որդիները` արքայազններ Ուիլյամն ու Հարին: Իսկ կառուցման աշխատանքներով զբաղվում է «Պատմական թագավորական պալատներ» բարեգործական կազմակերպությունը, որը այգեպանի թափուր աշխատատեղի հայտարարություն է տվել:
Արքայադուստր Դիանան զոհվել է Փարիզում 1997-ի օգոստոսի 31-ին տեղի ունեցած ավտովթարի հետևանքով: